Condé Nast Traveller සඟරාව 2025 වසර සඳහා පවත්වන ලද ගෝලීය ශ්‍රේණිගත කිරීම්වල ශ්‍රී ලංකාව ලොව වඩාත්ම පවුල්-හිතකාමී රට ලෙස නම්කර තිබේ.
මෙම ශ්‍රේණිගත කිරීම සඳහා භාවිතා වූ නව සංක්‍රමණ දර්ශකය Remitly නම් ඇමරිකානු මුදල් හුවමාරු සමාගමක් විසින් සංවර්ධනය කර ඇති අතර, අධ්‍යාපන ගුණාත්මකභාවය, සෞඛ්‍ය සේවා, ආරක්ෂාව, ළමා සුරැකුම් වියදම වැනි ප්‍රධාන සාධක 24ක් මත රටවල් 82ක් ඇගයීමට ලක්කර ඇත. එම දර්ශකයෙහි ශ්‍රී ලංකාව පළමු ස්ථානයට පත්ව තිබේ.
ශ්‍රී ලංකාව ඉදිරියට පැමිණීමට හේතු:
- අතිශයින් අඩු ළමා සුරැකුම් පිරිවැය: වාර්ෂිකව ඩොලර් 354.60 ක් පමණ වන අතර, එය ඇමරිකාවේ වාර්ෂික ඩොලර් 16,439.40 පිරිවැයට වඩා බෙහෙවින් අඩුය.
- ඉහළ අධ්‍යාපන තත්ත්වය: ශ්‍රී ලංකාව අධ්‍යාපන පද්ධතිය සඳහා 1.0 න් 0.7ක ලකුණු ලබා ඇත.
- සුන්දර ජෛව විවිධත්වය සහ අතිවිශිෂ්ට විනෝදාස්වාදය සඳහා සුදුසු පරිසරය: ජාතික වනෝද්‍යාන, වෙරළ තීර, සහ වනජීවී විවිධත්වය අතින් ඉදිරියෙන් සිටී.
- ගැඹුරු සංස්කෘතික උරුමය සහ පවුල් වටිනාකම්: මෙය වසර සිය ගණනක් පුරා පැවති සම්ප්‍රදායන්ගෙන් උරුම වී ඇති අංගයකි.
- සියලුම වයස් සඳහා සාමකාමී, පිළිගැනීමේ පරිසරයක්: ළමුන් සිට වැඩිහිටියන් දක්වා සෑම ආගන්තුකයෙකුටම උණුසුම් පිළිගැනීමක් ලැබේ.
දර්ශකයේ ඉදිරියෙන් සිටින රටවල්:
- ශ්‍රී ලංකාව
- ස්වීඩනය
- නෝර්වේ
- නවසීලන්තය
- අයිස්ලන්තය
- ජර්මනිය
- ෆින්ලන්තය
- ඩෙන්මාර්කය
- ඕස්ට්‍රේලියාව
- එක්සත් ජනපදය
එක්සත් ජනපදය පවුල්-හිතකාමීත්වය සඳහා 10 වන ස්ථානයට පත්ව ඇති අතර, සමස්ත පදිංචිය සඳහා හොඳම රටවල් ලැයිස්තුවේ 7 වන ස්ථානයේ පසුවේ. එක්සත් රාජධානිය මෙවර පවුල්-හිතකාමී රටවල් ලැයිස්තුවේ නොපෙනෙන්නට තිබුණද, සමස්ත පදිංචිය සඳහා 19 වන ස්ථානයේ සිටී.
Condé Nast Traveller සඟරාව ශ්‍රී ලංකාව 2025 වසර සඳහා සියළු වයස් කාණ්ඩයන්ට සංචාරය සඳහා ප්‍රියතම ගමනාන්තයක් ලෙස නම් කර ඇති අතර, එයට හේතු වී ඇත්තේ ලෙන්ගතු සත්කාරකභාවය, විවිධ ක්‍රීඩා හා විනෝදාස්වාද ක්ෂේත්‍ර, පවුල්-හිතකාමී හෝටල්, සහ ශ්‍රී ලාංකිකයින්ගේ අපූරු සත්කාරක සංස්කෘතිය ය.